05 мая 2023, 12:09
Дзæуджыхъæуы райдыдта автомобильтыл дугъ
Баст у, Фыдыбæстæйы Стыр хæсты Уæлахизы 78 азы бонимæ
Дзæуджыхъæуы райдыдта автомобильтыл дугъ. Баст у, Фыдыбæстæйы Стыр хæсты Уæлахизы 78 азы бонимæ. Райдыдта Намысы Мемориалы. ДОСААФ-ы республикон хайады æмæ ветеранты Советы минæвæрттæ, æвзонг хæстонтæ æмæ скъоладзаутæ сæвæрдтой дидинджытæ Æнусон арты цур. Автомобильтыл дугъы маршрут цæудзæн Горæтгæрон, Рахизфарсы, Æрыдоны æмæ Кировы районтыуылты. Архайджытæ бабæрæг кæндзысты Æфсæддон Намысы бынæттæ. Дугъ фæуыдзæн Æрджынарæджы мемориалы цур. Традицимæ гæсгæ, уым сæмбæлдзысты патриотон акцийы архайджытæ Цæгат Ирыстонæй, Кæсæг-Балхъарæй æмæ Цæцæны республикæйæ.
темæмæ гæсгæ
