Севастополы æмæ Берлинаг 182-æм гвардион авиаполк 30 азæй фылдæр уыд Мæздæджы аэродромы
Уæрæсейы алы горæттæй æмæ хæстæг фæсарæйнаг бæстæтæй æмслужбæгæнджытæ æрæмбырд сты Мæздæджы, цæмæй иумæ сбæрæг кæной авиаполчы 80 азы бон. Севастополы æмæ Берлинаг 182-æм гвардион авиаполк 30 азæй фылдæр уыд Мæздæджы аэродромы. Ам нæ бæстæйы хуссайраг арæнты авиацийы хæстон офицертæ лæууыдысты арæнтыл. Ныртæккæ полк æрбынат кодта горæт Энгельсы аэродромы, æмæ раздæрау, æххæст кæны стратегион хæстæ. Аивацийы ветерантæн æмæ офицертæн зæрдиаг арфæтæ ракодтой бынæттон хицауады минæвæрттæ. Кадджын уавæры сын радтой юбилейон майдантæ. Хæдтæхæджы монументы раз æрымысыдысты, чи нал æрыздæхт, уыцы тæхджыты нæмттæ. Юбиляртæн ма раарфæ кодтой æфсæддон оркестр æмæ Уæрæсейы сгуыхт артист Николай Лукинский. Йæ сфæлдыстадон архайд зындгонд уæрæсейаг юмористæн райдыдта авиаполчы службæ кæнгæйæ.
