филиал вгтрк государственная телерадиовещательная компания “Алания”

Дзæуджыхъæуы дарддæр цæуы сывæллæтты сфæлдыстады республикон хæдзары бындурон цалцæг. Специалисттæ ныридæгæн баивтой зæронд инженерон системæтæ, бæстыхайы сæр æмæ ныр цæттæ сты хъæдын дуæрттæ æвæрынмæ. Æппæт куыстытæ цæуынц фæткмæ гæсгæ. Фыццаг къæпхæн фæуыдзæн ацы аз декабры. Куыстыты цыдмæ бæстон цæстдард цæуы Цæгат Ирыстоны арæзтады æмæ архитектурæйы министрады стæй Дзæуджыхъæуы администрацийы рдыгæй. Горæты администрацийы сæргълæууæг Александр Пациорин куыд загъта, афтæмæй ныртæккæ конд цæуы алцыдæр, цæмæй ма ацы нысантæн райсой уæлæмхасæн фæрæзтæ.