Ацы æмæ æндæр фарстатыл ныхас цыди республикæйы фæллойы æмæ социалон рæзты министр Айдарты Алинæимæ пресс-конференцийы
Социалон контракттæ бафысын, æвæндонæй сæ цæрæнуæттæ чи ныууагъта, уыдоны уавæр, стæй фидæнмæ хæстæ æмæ нысантæ. Ацы æмæ æндæр фарстатыл ныхас цыди республикæйы фæллойы æмæ социалон рæзты министр Айдарты Алинæимæ пресс-конференцийы. Ныртæккæ Цæгат Ирыстоны ис 340 æрбалидзæг адæймаджы. Уыдонæй 119 сты рæстæгмæйы цæрæнбынæтты. Айдарты Алинæйы ныхæстæм гæсгæ сын республикæ кæны алывæрсыг æххуыс. Фембæлды ныхас цыди Цæгат Ирыстоны цæрджытæн æххуыс кæныныл. Ацы аз æххуыс райсдзысты социалон контракттæ чи бафысса, ахæм 1243 адæймаджы. Айдарты Алинæ журналисттæн радзырдта сæ куысты сæ размæ цы нысантæ вæрынц, уыдоны тыххæй дæр. 2024-æм азы сидзæр сывæллæттæ уыдзысты фæллойы æмæ социалон рæзты министрады бæрны. Уымæй уæлдай, национ проект «Демографи»-йы фæлгæты иннæ аз райдайдзæн хæдзар-интернаты арæзтад. Реданты йын ныридæгæн радих кодтой фæзуат. Пресс-конференцийы ныхас цыди «Фыдыбæстæ хъахъхъæнджыты» филиалы фонды куыстыл дæр. Бæстонæй æрдзырдтой, цы фарстатыл бакусын дзы хъæуы, уыдоныл.
