Куыстытæ райдыдтой республикæйы Сæргълæууæг Сергей Меняйлойы хъæппæрисæй, дыууæ азы размæ йæ куы бабæрæг кодта, уæд
Рагæй кæмæ æнхъæлмæ кастысты, ахæм цау. Алагиры цæуы бынæттон кинотеатры цалцæг. Куыстытæ райдыдтой республикæйы Сæргълæууæг Сергей Меняйлойы хъæппæрисæй, дыууæ азы размæ йæ куы бабæрæг кодта, уæд. Специалистты ныхæстæм гæсгæ, бæстыхай уыдзæн нырыккон, стæй фæразон уыдзæн зæххынкъуыстæн дæр.
Алагиры кинотеатр «Фæскомцæдисон» кæнынц бындурон цалцæг. 20 азæй фылдæр бынæттон цæрджытæ æнхъæлмæ кастысты ацы цаумæ, уымæн æмæ уыд адæмы уарзондæр бынæттæй иу. Уæлдай зæрдæмæдзæугæ та у, йæ экраныл ын советон нывтæ чи уыдта, уыдонæн.
Бæстыхай цалцæг кæнын райдыдтой апрелы, республикæйы сæргълæууæджы уынаффæмæ гæсгæ. 2 азы размæ уыд кинотеатры. Куы йæм æркаст, уæд бабар кодта, цæмæй бацæттæ кæной проектон – сметон гæххæттытæ æмæ райдайой цалцæггæнæн куыстытæ.
Подрядон организацийы сæйраг инженер Хетæгкаты Марат куыд зæгъы, афтæмæй бæстыхайыл ис бирæ куыст. Специалисттæ куыд зæгъынц, афтæмæй цалцæггæнæн куыстыты фæстæ зæххæнкъуысты рæстæг бæстыхай бафæраздзæн 9 баллæн. Арæзт уыдзæн 150 адæймагæн. Кинотеатр йæ аивадуаврзджыты суазæг кæндзæн ацы азы кæрон. Уымæ гæсгæ Алагиры районы цæрджытæн фадат уыдзæн Ног азы бæрæгбæтты рæстæг ног бæстыхайы баулæфынæн дæр.
