Цæгат Ирыстоны ис, инвалид адæмæн реабилитацион лæггæдтæ чи кæны, ахæм 64 куыстуаты
Дзанайты Барисы разамындæй арæзт æрцыд, инвалидты хъуыддæгты фарстаты фæдыл республикæйы Сæргълæууæджы цур арæзт Советы æмбырд. Цæгат Ирыстоны ис, инвалид адæмæн реабилитацион лæггæдтæ чи кæны, ахæм 64 куыстуаты. Уымæй уæлдай хицæн мадзæлттæ арæзт цæуынц, цæмæй, йе нæниздзинад хъыгдард кæмæн у, ахæм адæмы республикæйы культурон цардмæ æмхиц кæной, уый тыххæй. Афтæ культурæйы министрадæн бабар кодтой, æвзæр чи уыны, ахæм адæмæн музейон экспозицитæ саразын. Дарддæр куыст цæуы астæуккаг профессионалон ахуырады рæзтыл. Сæрмагондæй – инвалид адæмæн. Уæлдай тынгдæр парахат сты ахæм дæсныйæдтæ, куыд – медицинон хо, информацион системæтæ, программæтæ аразыны хъуыддаг, хæринаггæнæг, кондитер, машинæтæ цалцæггæнæг, хуыйæг, дизайнер. Зæгъдзыстæм ма уый дæр, æмæ алы ахуыргæнæндоны дæр арæзт æрцыдысты куыст ссарынæн æххуысы центртæ.
