Сæ балцы фæлгæты нысан кæнынц, филиалты разамонджытæ 2023-æм азæн сæ хуыздæр проекттæн презентаци кæм скæндзысты, ахæм стратегион сессийыл бакусын
РЦИ-А Сæргълæууæг Сергей Меняйлойæн кусæг фембæлд уыди нывкæнынады аивады паддзахадон музейы директор Елизавета Лихачеваимæ. Фембæлды архайдта музейы Цæгат-Кавказаг филиалы директор Тебиаты Галинæ дæр. Елизавета Лихачева регионалон филиалты директортимæ ацы бонты ис Цæгат Ирыстоны. Сæ балцы фæлгæты нысан кæнынц, филиалты разамонджытæ 2023-æм азæн сæ хуыздæр проекттæн презентаци кæм скæндзысты, ахæм стратегион сессийыл бакусын. Делегаци ма бабæрæг кæндзæн республикæйы чысыл музейтæ дæр. Уым фенæн ис нырыккон аивады 16-æм фестиваль «Аланика»-йы архайджыты проекттæ. Сергей Меняйло куыд загъта, афтæмæй ивгъуыд азты хатдзæгтæм гæсгæ, ацы мадзал сси Цæгат Кавказы федералон зылды культурон царды ирддæр цаутæй иу. «Аланика»-мæ ссæуынц алы бæстæты нывгæнджытæ, разæнгард кæнынц нæ историйæ, æрдзæй, адæмæй æмæ традицитæй. Ирыстон сæ куыстыты равдисынц нырыккон аивад, истори æмæ æгъдæуттæ баиугæнгæйæ. Фестиваль цæуы 2007-æм азæй фæстæмæ. У бирæ премиты номинант. Нывкæнынады аивады музейы сæйраг хъуыддæгтæй та иу у, нырыккон аивады фарстатыл кусын, культурон политикæйы бындур фидар кæнын, стæй Кавказы профессионалон æхсæнад уæрæх æмæ æнгом кæныныл архайын.
