23 июня 2023, 11:48
Национ наукон библиотекæйы байгом Давид Григоряны куыстыты сæрмагонд равдыст
Хаст æм æрцыд 30 нывæй фылдæр
Национ наукон библиотекæйы байгом Давид Григоряны куыстыты сæрмагонд равдыст. Хаст æм æрцыд 30 нывæй фылдæр. Сæ тематикæмæ гæсгæ сты алыхуызон – натюрморттæ, пейзажтæ, портретты сери. Куыстытæ конд сты нывкæнынады, графикæйы æмæ аргъуанты аивады жанрты. Давид Григорянæн ацы равдыст у фыццаг сæрмагонд. Нывгæнæджы ныхæстæм гæсгæ, йæ куыстыты фæрцы адæммæ хæццæ кæны йе *нкъарæнтæ. Уымæй уæлдай ма, афтæмæй æвдисы йæ арæхстдзинад. Ныртæккæ Давид йæ коллекци уæрæхдæр кæны æмæ иннæ хатт равдисдзæн ноджы фылдæр куыстытæ.
темæмæ гæсгæ
