Радзырды автор у Федор Достоевский.
Евгений Вахтанговы номыл академион уырыссаг театры уыд спектаклы премьерæ – “Чужая жена и муж под кроватью”. Радзырды автор у Федор Достоевский. Комеди ныффыста 1848-æм азы. Зæгъдзыстæм ма уый дæр, æмæ раздæр ацы спектакль театры репертуары нæ уыд. Афтæмæй та нымад у цымыдисаг постановкæйыл. Ахæм Достоевскийы арæх нæ фендзынæ. Ома уыцы жанрыл чиныгкæсджытæ æмæ театрдзаутæ ахуыр не сты. Кæд-иу арæх йæ уацмыстæ уыдысты арф æмæ мидисджын, алкæддæр æфтыдта хъуыдытыл. Уæд ныр та Федор Достоевский у хъæлдзæг æмæ иронийы æнкъарæнтæй хъæздыг. Автормæ бирæ сатирикон уацмыстæ нæй. Уымæ гæсгæ ацы пьесæ бæрæг дары иннæты хсæн. Сæйраг хъайтарыл æппынæдзухдæр æрцæуынц алыхуызон хъæлдзæг цаутæ. Уыдоны фæстиуджытæм гæсгæ та хъайтар дызæрдыг кæны йæ бинойнагыл. Спектаклы режиссер-æвæрæг у уазæг. Санкт-Петербурджы паддзахадон камерон драмон театр «Левендаль»-ы аивадон разамонæг Искандер Сакаев.
