Æдæппæтæй 41 мин тоннæйы бæрц
Афæдзы райдианæй нырмæ, цæстдарæн-уадзæн пункт Уæллаг Ларсы сбæрæг кодтой, фосдарынады къабазы продукци кæм уыди, ахæм 2 мины 8 сæдæ машинæйы бæрц. Æдæппæтæй 41 мин тоннæйы бæрц. Машинæты ластой кæсаджы, дзидзайы æмæ æхсыры продукттæ, холлæгтæ, холлæгтæм æфтауæнтæ, инкубаторы æвæрынмæ æйчытæ. 55 мины та республикæмæ æрбаластой цæрæгойтæ. Продукци цæуы Сомихæй, Туркæй, Гуырдзыйæ, Бразилийæ æмæ æндæр бæстæтæй. Баурæдтой, æмæ фæстæмæ аздæхтой 8 партийы, æдæппæтæй 126 тонны продукци. Фæстæмæ арвитыны аххосæгтæй æппæты арæхдæр вæййы, ветеринарон сертификат сæм кæй нæ вæййы, стæй товары маркировкæйы домæнтæ æххæстгонд кæй нæ вæййынц, уый. Уæрæсейы хъæууон хæдзарадмæ цæстдарды службæйы лаборатори кусы сæрмагонд фæткмæ гæсгæ, æнæзакъон æмæ тæссагыл цы продукци банымайынц, уый арвитынц фæстæмæ. Стæй йæ рæстæгмæ бæстæмæ æрбаласыны бар нал вæййы.
