филиал вгтрк государственная телерадиовещательная компания “Алания”

Цæгат Ирыстонмæ ссыд театры æмæ кинойы Уæрæсейаг артист Анатолий Журавлев. Фембæлд нæ республикæйы сфæлдыстадон фæсивæдимæ. Æрыгон æмæ фæлтæрдджын актертæн фадат уыд зындгонд артистæн фæрстытæ раттынæн. Анатолий Журавлев сын раргом кодта йе сфæлдыстадон фæндаджы æмæ фидæны профессионалон нысанты тыххæй. Зæгъдзыстæм ма уый дæр, æмæ нæ республикæмæ зындгонд актер ссыди фыццаг хатт. Радзырдта, Ирыстоны рæсугъддзинад фенгæйæ йæм цавæр æнкъарæнтæ фæзынд, уый тыххæй. Куыд зæгъы, афтæмæй нæ республикæйы ис, йæ зæрдæйы цы рæсугъд бынæттæ баззайдзысты, ахæмтæ. Сæ иу – Гæналдоны ком. Йе мкусæг Сергей Бодров йе сфæлдыстадон къордимæ кæм фæмард, уыцы бынат.