Советы уæнгтæ бæстонæй æркастысты инвесторы куысты тыххæй информацимæ
Хицауады сæрдар Дзанайты Барис цы æмбырд сарæзта, уым та æрныхас кодтой, республикæйæн экономикон æмæ социалон æгъдауæй пайдайаг чи уыдзæни, ахæи инвестицион проекттыл. Советы уæнгтæ бæстонæй æркастысты инвесторы куысты тыххæй информацимæ. Хорзыл банымадтой ныридæгæн царды æххæстгонд чи рцыди, уыцы проект – Цмийы таможняйы цæстдарæн зонæйæн уæлæмхасæн зæххы хай раттын. Цæмæй дзы машинæты æркасты рæстæг уа товар кæм равæрой, ахæм бынат. Проекты иумæйаг аргъ у 160 милуан сомы. Уымæй уæлдай, инвестсоветы архайджытæ æркастысты Дзæуджыхъæуы базарадон комплексы арæзтады фарстамæ. Зындгонд компани уæй кæны адæмон фæлхасадон товартæ æмæ хæлцы продукттæ. Фидæны егъау базарадон бынæттæн зæххы хай дæттынц Архонкæмæ фæндагыл. Проекты иумæйаг аргъ – 9 сæдæ милуан сомы. Уæ зæрдыл уын æй лæууын кæнæм, республикæ æмæ базарадон компанийы хсæн æмгуыстадыл Сергей Меняйло бæстæйы бирæвæрсыг компанийы разамындимæ æрныхас кодта мартъийы. «Нæ сæйраг хæс у, бизнесæн æмбæлгæ уавæртæ саразын, æмæ ацы хъуыддагмæ цæттæ чи у, республикæйы уыцы цæрджытæн æххуыс кæнын. Афтæмæй та фидардæр кæндзæн бюджет дæр, стæй адæмæн уыдзæн куысты бынæттæ дæр. Фæлæ проекттæ царды уадзыны хæрзхъæддзинадмæ хъуамæ цæуа бæстон цæтсдард, загъта Дзанайты Барис.
