Нырæй фæстæмæ та официалон æгъдауæй сси Ирыстоны национ бæрæгбон
Зæдæлескы Нанайы бæрæгбон бæрæг фæкæнынц майрæмы мæйы фыццаг сабаты. Нырæй фæстæмæ та официалон æгъдауæй сси Ирыстоны национ бæрæгбон. Уый фæдыл указ бафыста республикæйы Сæргълæууæг Сергей Меняйло. Рагон заманы таурæгъмæ гæсгæ, Тимуры æфсæдтæ 14-æм æнусы Аланимæ куы рбабырстой, уæд легендарон сылгоймаг сæмбырд кодта хæхты цæрæг сидзæр сывæллæтты, бирæ ирыстойнаг мыггæгты минæвæртты, æмæ сæ бахъахъхъæдта. Зæдæлескы хъæуы байгом кодтой Нанайы музей. Зæдæлескы Нанайы ном ссарынмæ æмæ йæ кадæн арфæйы ныхæстæ зæгъынмæ алы аз дæр ардæм æрбацæуынц канд Дыгургомы цæрджытæ нæ, фæлæ ма республикæйы æндæр районтæй æмæ Дзæуджыхъæуæй дæр. Уæлдай фылдæр куывдтытæ вæййынц кæстæр фæлтæры цæрæнбоны тыххæй. Кувæг адæм сæ сывæллæттæн фæкурынц æнæниздзинад, фарн æмæ амонд. Уымæн æмæ легендарон Нана нымад у сабитыл аудæгыл. Зæгъдзыстæм ма уый дæр, æмæ алы аз дæр бæрæгбон бабæрæг кæнынæ бирæ туристтæ дæр.
