Уый баст у, фæстаг бонты уæлдæфы температурæ зынгæ кæй фæбæрзонддæр, уыимæ
Ивгъуыд къуыримæ тагъд æххуысы станцæмæ æххуысагур дзæнгæрджыты нымæц фæфылдæр. Уый баст у, фæстаг бонты уæлдæфы температурæ зынгæ кæй фæбæрзонддæр, уыимæ. Низтæ кæмæ ис, уыцы адæм тæвдæн нæ фæразынц. Боныхъæды уавæртæм гæсгæ дон дæр хардзгонд цæуы дзæвгар фылдæр. Ууыл ныхас цыд аппаратон æмбырды. Ныртæккæ районты нуазыны доны фарста карзæй нæ лæууы. Хицауады сæрдар Дзанайты Барис бабар кодта уавæрмæ бæстон цæст дарын, æмæ æппæт фарстатæ æвæстиатæй лыг кæнын. Æмбырды ма ныхас цыд скъолаты бындурон цалцæгыл. Æппæт куыстытæ цæуынц нысангонд фæткмæ гæсгæ. Фæлæ уæддæр ис дызæрдыггаг объекттæ. Æдæппæтæй сты 12. Цы фарстатæ сæвзæрд, уыдон нысан кæнынц хæстæгдæр рæстæг алыг кæнын. Ныхас ма цыд ног арæзт бæстыхæйттыл. Алкæцыйы дæр сæ Дзанайты Барис бабар кодта объекты паспорт сæвæрын.
