Уæрæсейы Президенты цур Цæгат Ирыстоны фæсивæдон минæварады хыгъды ис сæдæгай ирыстойнаг студенты
Цæгат Ирыстоны фæсивæдон минæварады разамындæн уыд абитуриенттимæ фембæлд. Уæрæсейы Президенты цур Цæгат Ирыстоны фæсивæдон минæварады хыгъды ис сæдæгай ирыстойнаг студенты. Уыдон ахуыр кæнынц Мæскуыйы 30 уæлдæр ахуыргæнæндоны. Ацы аз студентон структурæйыл æххæст кæны 12 азы. Лæппутæ æмæ чызджытæ активонæй архайынц нæ бæстæйы сæйраг горæты культурон, интеллектуалон, наукон æмæ спортивон царды. Уыимæ æнтыстджынæй бæрзонддæр кæнынц нæ республикæйы кад, куыд сæ ахуыргæнæндоны, афтæ æндæр фæзты дæр. Фембæлды рæстæг фидæны студенттæн радзырдтой организацийы тыххæй, стæй йæ сæйрагдæр хæсты æмæ нысанты тыххæй дæр. Уыдонмæ та хауынц – Мæскуыйы ирыстойнаг фæсивæды æмархайдыл кусын. Ахæм мадзæлттæ арæзт фæцæуынц алы аз дæр. Иннæ æмбырд та уыдзæн сентябры. Уæд фæсивæд фембæлдзысты Мæскуыйы ирыстойнаг студентты организацийы бæстыхайы.




