16 августа 2023, 11:45
Æнæнхъæлæджы уавæрты министрады кусджытæ сарæзтой профилактикон мадзал Октябрьскæйы доны станцæйы
Специалисттæ æдзухдæр бæлвырд кæнынц, адæм сæхи кæм найынц, уыцы бынæттæ
Æнæнхъæлæджы уавæрты министрады кусджытæ сарæзтой профилактикон мадзал Октябрьскæйы доны станцæйы. Специалисттæ æдзухдæр бæлвырд кæнынц, адæм сæхи кæм найынц, уыцы бынæттæ. Сæрмагонд цæстдард цæуы, пляжтæ хъæугæ фæрæзтæй куыд æххæст сты, уымæ. Хъуамæ дзы уа сæрмагонд ифтонггæрзтæ, ирвæзынгæнæн кругтæ æмæ жилеттæ. Фæлладуадзæн зонæты ма бæлвырд кæнынц, хи дарын куыд хъæуы, уыцы æгъдæуттимæ стендтæ дзы ис æви нæй, уый. Æнæнхъæлæджы уавæрты министрады кусджытæ ма кæнынц æмбарынгæнæн ныхас адæмимæ æмæ сын дæттынц зæрдылдарæн гæххæттытæ. Æдæппæтæй республикæйы ленк кæнынæн ис 7 нысангонд зонæйы. Найæн сезон ахæсдзæн мæйы кæронмæ.
темæмæ гæсгæ
