Куыстытæ æххæстгонд цæуынц Беслæны культурæйы æмæ фæлладуадзæн парчы, стæй Дигорайы центрон скверы
Республикæйы дарддæр аив кæнынц æхсæнадон территоритæ. Куыстытæ æххæстгонд цæуынц Беслæны культурæйы æмæ фæлладуадзæн парчы, стæй Дигорайы центрон скверы. Уæ зæрдыл уын лæууын кæнæм, районты центртæ ацы аз систы конкурс «Чысыл горæттæ æмæ историон хъæуты» уæлахиздзаутæ. Дигорайы скверы территорийы сæххæст кодтой зæххы куыстытæ, бакодтой коммуникацитæ, сæвæрдтой донпырхгæнæн системæ, рухсытæ, бордюртæ, ныр æвæрынц брусчаткæ. Балхæдтой бандæттæ æмæ урнæтæ. Ахадгæ куыстытæ цæуынц Беслæны инæлар Плиты Иссæйы уынджы культурæйы æмæ фæлладуадзæн парчы дæр. Æхсæнадон зонæйы территорийы сæххæст кодтой зæххы куыстытæ, æвæрынц коммуникацитæ, аттракционтæн ифтонггæрзтæ заказ скодтой. Иу стыр объект ма – Окружнаяйы уынджы парк. Куыстытæ æххæстгонд цæуынц Беслæны комплексон райрæзты генералон пъланмæ гæсгæ. Объект сцæттæ уыдзæн иннæ азы кæрон. Проектты финансты иумæйаг бæрц у 200 милуан сомы.
