Зындгонд баритон Дмитрий Нестеров аивадуарзджыты размæ рахаста советон кинонывтæй композицитæ
Евгений Вахтанговы хæдзар-музейы Арт-кафейы уыд æхсызгон фембæлд – зарджыты изæр. Зындгонд баритон Дмитрий Нестеров аивадуарзджыты размæ рахаста советон кинонывтæй композицитæ. «Кавказская пленница», «Бриллиантовая рука», «Три тополя на Плющихе», «На войне как на войне», «Магомаев» æмæ бирæ æндæртæ. Ацы кинолентæтæ æмæ сæ зарджытæ систы легендаронтæ. Зæгъын хъæуы уый, æмæ Вахтанговы хæдзар-музейы Дмитрий Нестеровæн арæзт æрцыд ныр цыппæрæм концерт. Радон хатт та автор æмæ зарæггæнæг фæнд кæны Дзæуджыхъæумæ ног программæимæ октябры райдиан ссæуын. Ныртæккæ Нестеров кусы адæмон зарджыты æмæ романсты альбомыл. Уыимæ симфонион аранжировкæимæ. Дмитрий ма у Мæскуыйы волонтерты гимны автор æмæ Хæрзаудæн змæлды минæвар. Ацы хатт сардта рæстæг, æмæ хæлардзинады урок скодта Дзæуджыхъæуы сывæллæтты рæвдауæндæттæй иуы. Хæдзары та йæм цæры къæбыла Боря. Дмитрий йæ йæхимæ райста, Дзæуджыхъæумæ фыццаг хатт куы ссыди, уæд.
