Сæ автортæ сты Золойты Фатимæ æмæ Марина Меркулова
Мæскуыйы, Евгений Вахтанговы Театры ног сценæйы ацыд Дзæуджыхъæуы Вахтанговы хæдзар сног кæныны тыххæй документалон кинонывтæ «Вахтанговы хæдзар. Реставраци куыд аивад» æмæ «Путь домой. Вахтанговские хроники»-йы премьерæ. Сæ автортæ сты Золойты Фатимæ æмæ Марина Меркулова. Кинолентæтæ дзурæг сты зындгонд театралон режиссеры хæдзар сног кæнныл. Автортæ ирдæй равдыстой арæзтады фыццаг хуыз бахъахъхъæныныл специалисттæ куыд архæдтой, уый æппæт къæпхæнтæ дæр. Коммуналон фатертæ æндæр рæттæм раивынæй райдай, æмæ кæронбæттæн реставрацион куыстытæй фæуы. Кинойы æвдыст цæуы Вахтанговы театры директор Кирилл Крокы зæрдиаг архайдæй сæрмагонд командæ арæзт кæй æрцыди, уый. Йæ хыгъды чи уыди, уыдон сæ размæ сæвæрдтой иу нысан – бæстыхайы историон хуыз рацаразын. Кинонывы ныхас цæуы реставрацион компанийы æвæллайгæ архайдыл, æмæ уникалон проекты ахсджиагдзинадыл. Вахтанговы театры директорæй уæлдай ма кинойы хъайтартæ систы йæ зындгонд артисттæ,стæй уникалон архитектурон цыртдзæвæн сног кæнынмæ йе вæрæн чи бахаста, уыцы политиктæ æмæ хицаудзинады оргæнтæ.
