Ныхас цыди национ проекттæ æмæ паддзахадон программæтæ царды куыд æххæстгонд цæуынц, ууыл
Республикæйы Хицауады сæрдар Дзанайты Барисæн кусæг æмбырд уыди йæ хæдивджытимæ. Ныхас цыди национ проекттæ æмæ паддзахадон программæтæ царды куыд æххæстгонд цæуынц, ууыл. Боны фæткмæ хаст æрцыди социалон фарстатæ æмæ фæззыгон-зымæгон сезонмæ республикæ куыд цæттæ у, уый. Премьер куыд фæбæрæг кодта, афтæмæй национ проекттæ хæрзхъæдæй æмæ бæлвырд æмгъуыдмæ гæстæ æххæст кæнын у фыццаградон хæс. Æппæт хъуыддæгтæм йæ цæст дары Цæгат Ирыстоны Сæргълæууæг Сергей Меняйло, загъта Дзанайты Барис. Вице-премьер Александр Реутовæн бабар кодтой, коронавирусы инфекцийы æмæ гриппы уавæр æнæрхъуыдыйæ куыд нæ уадзой, стæй адæмы льготæтæм гæсгæ хостæй афоныл ифтонг кæнын, уый. Æмбырды архайджытæ ма æрдзырдтой æппæтадæмон форум «Россия»-мæ республикæ куыд цæттæ кæны, ууыл. Дзанайты Барис куыд загъта, афтæмæй уыцы форум республикæйы имиджæн у ахсджиаг фæрæз.
