Уый тыххæй аппаратон æмбырды фехъусын къодта куыстуаты разамонæг Тыбылаты Алан
Республикæйы фæлхасадмæ цæстдарды управленийы бæрæггæнæнтæм гæсгæ, ивгъуыд къуырийы сезонмæ гæсгæ хæцгæ низтæй рынчынты бæрц зынгæ фæфылдæр, фæлæ æмвæзад нормæйæ уæлдæр нæу. Уый тыххæй аппаратон æмбырды фехъусын къодта куыстуаты разамонæг Тыбылаты Алан. 106 мин адæймагæй фылдæр прививкæтæ скодтой гриппы ныхмæ, уый у специалисттæ цы снысан кодтой, уымæн йæ 25%. Республикæйы кусы тагъд æххуысы 65 бригады, диспансеризаци ацыди цæрджыты 79%. Æрвылкъуырион æмбырды ныхас цыди хъæууон хæдзарады къабазыл дæр. Ныридæгæн æфснайд æрцыди 2 мин гектары натхор. Аграритæ сæмбæлдысты къуылымпыдзинæдтимæ дæр. Уый, артаг æмæ æндæр хъæугæ æрмæг кæй фæзынаргъдæр, стæй иуæй иу кусæнгæрзтæ балхæнынмæ дæр кæй не сты, уый. Хицауады уæнгтæ æрныхас кодтой ахуырадон процессыл дæр. 250 милуан сомæн æлхæд æрцыдис чингуытæ, бындуронæй ахуырадон чингуытæ аивтой 1-æм, 5-æм æмæ 6-æм кълæсты. Республикæйы ахуырад æмæ наукæйы министр Алыбекты Эллæ куыд фæнысан кодта, афтæмæй ведомствæйы зонынц ахуыргæнджытæ кæй нæ фаг кæны, уый. Уымæ гæсгæ, педагогтæн кæнынц уæлæмхасæн фиддонтæ, афтæ, æрыгон ахуыргæнджытæн сæ мызды 70%, дыккаг аз чи кусы, уыдонæн та 50%. Æрвылаз 5 сæдæ милуан сомы дихгонд цæуы ахуыргæнджыты мызд фылдæр кæнынæн. Зæгъдзыстæм ма уый дæр, æмæ республикæйы 47 скъолайы скæндзысты бындурон цалцæг.
