Бацæттæ йæ кодтой «Кавказыл тохы» 80 азмæ
Дзæуджыхъæуы арæзт æрцыд историон-патриотон квест-чемпионат «Стыр Уæлахиз». Бацæттæ йæ кодтой «Кавказыл тохы» 80 азмæ. Архайджыты хъуыд алыхуызон хæслæвæрдтæ сæххæст кæнын. Баст уыдысты бынаты раст архайынимæ æмæ райдайæн æфсæддон цæттæдзинады домæнтимæ. Квест сарæзтой федералон грант æххæстгæнгæйæ. Бæлвырддæр радзурдзæн Хъайтмазты Дзерассæ.
Мадзал кадджын уавæры куы байгом кодтой, уый фæстæ командæтæ æрныхас кодтой маршрутыл æмæ бавнæлдтой кусынмæ. Немыцæгтæ хъæды бамбæхстой машинæ «Энигма». Æмæ йæ хъæуы ссарын. Уый таурæгъмæ гæсгæ. Практикæйыл та хъæуы сæххæст кæнын алыхуызон хæслæвæрдтæ. Баст сты бынаты ориентаци кæнынимæ æмæ райдайæн æфсæддон цæттæдзинады домæнтимæ. Æдæппæтæй чемпионаты архайы цалдæр командæйы. Алкæцыдæр сæ сæрмагондæй цæттæ кодта.
Картæимæ кусын, цалдæр минутмæ Калашниковы автомат сæмбырд кæнын æмæ райхалын, хъæды æрдзон цæлхдурты сæрты хизын зонын. Алцыдæр тагъд æмæ бæлвырд кæнын. Æнцон хæс нæу. Фæлæ скъоладзаутæн алцыдæр сæ къухы *фты. Ацы хъуыддаджы ахсджиаг у, æнгом уæвын. Æнæ уымæй квест-чемпионат ацæуын нæ бантысдзæн. Хъуамæ æмбарой, кæрæдзиуыл хæцын кæй хъæуы. Уый Фыдыбæстæйы Стыр хæсты хъæбатыртæ куыд æмбæрстой, афтæ. Мадзалы нысан у иу. Цæмæй сывæллæттæ сæ зæрдыл дарой фыдæлты истори æмæ сæ хъæбатырдзинад.
Проект у æхсæнадон змæлд «Движение первых»-ы грантон конкурсы уæлахиздзау. Ныртæккæ цæуынц æвзарæн къæпхæнтæ. Финал фæнд кæнынц ноябры райдиан скæнын æмæ йæ сбæттын бæстæйы иу ахсджиаг бæрæгбонимæ ма – Адæмты иудзинады бонимæ.
