Байгом спектакль «Маскарад»-æй
153-æм сезон райдыдта Вахтанговы номыл Уырыссаг академион театры. Байгом спектакль «Маскарад»-æй. Маскарад у пьесæйы сæйраг быцæу кæм цæуы, уыцы бынат. Ацы равдыстыл аивадуарзджытæ сæмбæлдысты аншлагимæ. Ног сезоны театрдзаутæм æнхъæлмæ кæсынц уарзон чи систы, уыдон, стæй ног спектакльтæ. Япойнаг драматург КОки МитАнийы пьесæмæ гæсгæ æвæрд спектакль «Академия смеха» фыццаг хатт рахæсдзысты сценæмæ. Хæстæгдæр равдыстытæм билеттæ ныридæгæн нал ис. 25-æм ноябры уыдзæн Островскийы пьесæмæ гæсгæ æвæрд спектакль «Снегурочка»-йы премьерæ. Уый аргъау нæу, фæлæ арф философон уацмыс, уарзондзинад зæххон хорзæхтæй уæлдæр кæй у, уый тыххæй. Нывгæнæг-æвæрæг – Уæрæсейы æфсады театры сæйраг нывгæнæг Анастасия Глебова. Пластикæйыл бакуыста Сергей Никульшин. Уый Уырыссаг театры ныридæгæн сæвæрдта 3 мюзиклы.
