Бынæттон администрацийы, районы æхсæнадон палатæйы уæнгтимæ æмæ волонтертимæ æрзылдысты бырæттæ æмбырдгæнæн фæзтыл
Адæмон фронты активисттæ цæрджыты курдиатмæ гæсгæ кусæг балцы уыдысты Мæздæджы. Бынæттон администрацийы, районы æхсæнадон палатæйы уæнгтимæ æмæ волонтертимæ æрзылдысты бырæттæ æмбырдгæнæн фæзтыл. Сæ ныхæстæм гæсгæ, ныр цалдæр мæйы Мæздæггæгтæ быроны бын фесты. Бырон æмбырдгæнæн фæзтæ æфснайд нæ цæуынц. Уыимæ та, мæздæггæгтæ алы мæй дæр фидынц æхца. Куыд рабæрæг, афтæмæй регионалон оператор «Сыгъдæг горæт»-æн йæ хæстæ æххæст кæнын йæ бон нал у. Кæнынц æй ныллæг тарифты, кусджытæ кæй нæ фаг кæны æмæ техникæ зæронд æкæй у, уый аххос. Горæты администраци регионалон операторæй райста официалон хъусынгæнинаг, æртæ мæйы фæстæ сæ куыст кæй бауромдзысты, уый тыххæй. Адæмон фронты активисттæ курдиат бахастой республикæйы цæрæнуæтты-коммуналон хæдзарады, артаг æмæ энергетикæйы министрадмæ, цæмæй цыбыр æмгъуыдмæ адæмæн баххуыс кæной.
