Ацы фарстайыл ныхас цыди республикæйы æхсæнадон палатæйы цы кусæг фембæлд уыди, уым
Нацийы æнæниздзинад бахъахъхъæныны фæрæз – вакцинаци. Ацы фарстайыл ныхас цыди республикæйы æхсæнадон палатæйы цы кусæг фембæлд уыди, уым. Мадзалы архайджытæ – æнæниздзинадхъахъхъæнынады раззагдæр специалисттæ, фæлхасадмæ цæстдарды управленийы минæвæрттæ, закъондæттæг æмæ æххæстгæнæг хицаудзинады оргæнтæ. Боны фæткмæ рахастой хистæр кары адæмы æнæниздзинад, профилактикон мадзæлттæ, стæй медицинон, ахуырадон æмæ дзыллон информацион фæрæзтæ прививкæтæ кæныны хъуыддаджы адæмыл куыд ахадынц, уый. Æхсæнадон палатæйы уæнгтæ куыд фæнысан кодтой, афтæмæй вакцинопрафилактикæ у адæмы æнæниздзинад бахъахъхъæнынæн паддзахадон механизм, æмæ йын йæ куыст ма къуылымпы кæнын у ахсджиаг.