Алханчурты æмæ цæхæрадæтты æмбалад «Пищевик»-ы цæрджытæ ныр бирæ азтæ зындзинæдтæ æвзарынц нуазыны доны уавæрæй. Куыд зæгъынц, афтæмæй цалынмæ поселок гыццыл уыди, уæдмæ дон фаг кодта алкæмæн дæр, фæлæ дзы ныр цæрджыты нымæц дæр фæфылдæр, стæй дзы фæзынди алыхуызон куыстуæттæ дæр, уымæ гæсгæ дон се ппæты фаг нал кæны. Сæ бон нæ гæрзтæ ныхсын у парахат донæй, нæ хæдзары æндæр куыстытæ бакæнын. Республикæйы Сæргълæууæг Сергей Меняйлойы уынаффæмæ гæсгæ уавæр сраст кæныныл архайынц. Регионалон оператор фидарæй дзырд дæтты, адæмæн дон парахатæй кæй уыдзæни, уымæй. Хъуыддагыл куыд кусынц, уый тыххæй радзурдзæн Сосранты Жаннæ.
Алхæнчуртаг уынджы æстæм, æртæ уæладзыгон хæдзары цæрджытæ куыд зæгъынц, уымæ гæсгæ бирæ азты дæргъы сæ хæтæлты доны æфсæрст у ныллæг. Гутъиаты Риммæ æппæныдзух æмбырд кодта дон хæдзары дзаумæтты. Уыимæ канд хæринаг кæнынынæ нæ, фæлæ ма æндæр хъуыддæгтæн дæр. Афтæмæй æнцондæр архайæн у, зæгъы сылгоймаг. Æндæр, æгæр бирæ æнхъæлæмæ кæсын фæхъæуы , цалынмæ дон æрæмбырд уа, уымæ. Уæдæ ма дзаумæттæ хсæн машинæ дæр нæ кусы, дон ын кæй нæ фаг кæны, уымæ гæсгæ. Риммæ йæ хъаст бахаста Горæтгæрон районы администрацимæ, фæлæ уым куыд зæгъынц , уымæ гæсгæ æппæт донцъирæнтæ дæр кусынц æмбæлгæ уагыл.
Ацы поселочы Гуытъиаты Риммæ цæры бирæ азты, æмæ дон кæй нæ фаг кæны адæмæн, уæлдайдæр та сæрды мæйты, уый йын скæйы дзурын нæ хъæуы.
Дон нæ фаг кæныны фарста ма фæзыны цæхæрадæдты æмбалад «Пищевик»-ы дæр.
Республикæйы донæй æххæстгæнæн куыстуаты куыд зæгъынц, афтæмæй дон нæ фаг кæны дон æмбырдгæнæнты куысты æмгъуыд кæй ахицæн, кæй базæрон сты, уымæ гæсгæ. Сентябры Цæгат Ирыстоны сæргълæууæг Сергей Меняйло бахæс кодта хъæуы доны фарста алыг кæныны фæндон. Специалисттæ скодтой геологон иртæстытæ æмæ ныр кусынц ног дондзæуæныл.
Профилон куыстуаты сæргълæууæджы ныхæстæм гæсгæ, рæхджы донæй æххæст кæныны фарста лыггонд æрцæудзæн
Абоны онг цъас ныкъкъахтой 12 метры онг. Специалисты ныхæстæм гæсгæ дзы сахатмæ дон сисæн уыдзæн 120 кубометры. Уый канд фаг нæ уыдзæн, фæлæ ма цас хъæуы , уымæй фылдæр.
