Цы æппæтадæмон кафты фестиваль дзы уыди, уым архайдтой бирæ бæстæты аивадон къордтæ
Сывæллæтты хореографион ансамбль «Дети гор» та радон хатт йе сфæлдыстад равдыста фæсарæнты цæрæг адæмæн. Уыдысты Турчы. Цы æппæтадæмон кафты фестиваль дзы уыди, уым архайдтой бирæ бæстæты аивадон къордтæ. Се хсæн бæрæг дардтой не мзæххонтæ. Уæвгæ, зындгонд куыд у, афтæмæй ансамбль нымад у хореографийы куырдадзыл. Уымæн ис бирæ æвдисæнтæ. Ацы хатт сæ аивадон къæбиц цæмæй фæхъæздыгдæр, уый тыххæй бæлвырддæр радзурдзæн Чехойты Фатимæ.
Нæ адæмы уарзон æвзонг кафджыты къордтæй иу у ансамбль «Дети гор». Курдиатджын лæппутæ æмæ чызджытæ æрмæст Ирыстоны цæрджыты дисы не*æфтауынц сæ арæхстдзинадæй. Ансамбль у бирæ æппæтдунейон фестивальты лауреат. У адæмон кафты, бирæ азты дæнцæгæн хæссинаг ансамбль. Сæрды та æвзонг кафджытæ уыдысты Турчы.
Турчы ирыстойнаг æрыгон лæппутæ æмæ чызджытæ бацыдысты симды, слæууыдысты хохаг кафты, акодтой чызджыты æмæ ерысы кæфтытæ. Концертты *хсæн уæгъд рæстæг та се *нæниздзинад фидар кодтой денджызы был.
Ныртæккæ ансамблы архайы сæдæ сывæллоны. Уыдонæй 50 сты концертон къорд. Иннæ *рдæг та сты, фыццаг къахдзæфтæ чи кæны хореографийы, ахæм сывæллæттæ.
4-аздзыдæй æрбацыд ардæм Дзодзыккаты Дзамболат
Кафджыты къордæн ис фæлтæрдджын разамонæг – Козаты Станислав. Ансамбльтæ «Ирыстон», «Алан», театр «Нарты». Ирд у йе сфæлдыстадон фæндаг. Алы азты уыд нæ республикæйы уарзондæр æмæ æппæт дунейы зындгонддæр ансамбльты артист. 1995 азы та сси ансамбль «Дети гор»-ы аивадон разамонæг. Йæ курдиаты, сабитимæ йе*нтыстджын сфæлдыстадон куыст æмæ ирон кафтмæ æнæкæрон уарзондзинады тыххæй хорзæхгонд у бирæ хæрзиуджытæй.
Станислав сывæллæттимæ кæны хъомыладон куыст дæр. Ныййарæгау сæм уарзæгой цæстæй кæсы. Æмбарын сын кæны æхсæнады хи дарыны æгъдæуттæ. Уарзын сын кæны нæ адæмы культурæ, æмхиц сæ кæны аивадмæ.
Ирыстойнаг æрыгон кафджытæ Турчы систы Æппæтадæмон фестивалы лауреаттæ. Сæ дæсныйад фæцыд адæмы зæрдæмæ. Уымæн æвдисæн – цы хуынды гæххæттытæ райстой иннæ бæстæты минæвæрттæй, уыдон. Æппæтдунейон равдыстыты архайд та ахъаз у сывæллæтты фæлтæрддзинад бæрзонддæр кæнынæн.
