Акци «Непокоренный Кавказ» æххæст кæнгæйæ, фæсивæдæн сарæзтой экскурси историон музейы
80 азы размæ фæци Фыдыбæстæйы Стыр хæсты æппæтæй егъаудæр æмæ дæргъвæтиндæр тохтæй иу. Барбашовы фæзы æрымысыдысты, Кавказ суæгъд кæныны тохы чи архайдта, уыцы ныфсхаст æфсæддонты рухс нæмттæ. Скъоладзаутæ æмæ студенттæ бацæттæ кодтой къамтæ æмæ видеоæрмæджытæ. Акци «Непокоренный Кавказ» æххæст кæнгæйæ, фæсивæдæн сарæзтой экскурси историон музейы. Арвы бын музей – Барбашовы фæз хорз зонгæ у республикæйы цæрджытæн æмæ уазджытæн. Ам, 1943-æм азы цыдысты карз тохтæ, æмæ дзы йæ ном сæнусон кодта æрыгон хæстон Петр Барбашов. Йæхицæй бамбæрзта знаджы дзот, æмæ аирвæзын кодта йæ дæсгай æмбæлтты. Советон Цæдисы Хъæбатыры цыртдзæвæн, Кавказ уæгъдгæнджыты æфсымæрон ингæн бирæ азты нымад сты номарæн æмæ мысæн бынатыл. Ам æххæстæй бамбарæн ис советон салдаты уды фидардзинад.
