Зæгъын хъæуы уый, æмæ ахæм концерт ацыд ныр æртыккаг хатт
Евгений Вахтанговы хæдзар-музейы арт-кафейы арæзт æрцыд Дмитрий Нестеровы концерт. Зæгъын хъæуы уый, æмæ ахæм концерт ацыд ныр æртыккаг хатт. Стæй ма иу ахсджиаг хъуыддаг. Алы концерты программæ дæр зарæггæнæг снысан кæны рагацау. Уыимæ аивадуарзджыты фæндтæ хынцгæйæ. Ацы хатт концерты дзæвгар хай арæзт уыд патриотон композицитæй. Аивадон изæры ма уыд Дмитрий Нестеровы альбом «Уырыссаг адæмон зарджытæ æмæ романсты» эксклюзивон презентаци. Ныффыста сæ оркестримæ иумæ. Æхсызгон та ма уый уыд, æмæ йын адæм фылдæр цы зарæг уарзынц «Мне снова 18», уый Дмитрий азарыд кавказаг ритмы. Изæры сæрмагонд уазæг уыд Цæгат Ирыстоны культурæйы министр, Цæгат æмæ Хуссар Ирыстоны сгуыхт артист Фидараты Сослан.
