Ацы хатт бабæрæг кодтой Къостайы проспекты бирæуæладзыгон хæдзары территори
Адæмон фронты специалисттæ скодтой радон бæрæггæнæн куыст. Ацы хатт бабæрæг кодтой Къостайы проспекты бирæуæладзыгон хæдзары территори. Уæвгæ, аивгæнæн объектты мониторинг цæуы алы аз дæр. Ныр та эксперттæ бынатмæ ацыдысты, цæрджыты хъастмæ гæсгæ. Уыдон разы не сты сæ асфальты уавæрæй, стæй сывæллæтты ирхæфсæн фæзæй. Аивдзинады сæрмагонд программæмæ гæсгæ сæ сцалцæг кодтой ивгъуыд аз. Фæлæ сæйрагдæр фарста баст у – сæ хæтæл кæй атыдта, уыимæ. Уый аххосæй кæрты дон æрæмбырд вæййы. Бирæуæладзыгон хæдзары цæрджыты ныхæстæм гæсгæ, сæ хъаст бæрнон куыстуæттæм æмæ цæстдарæн оргæнтæм иу æмæ дыууæ хатты нæ бахастой. Адæмон фронты специалисттæ æппæт аипдзинæдтæ дæр сбæрæг кодтой, æмæ сæ бадæтдзысты Дзæуджыхъæуы администрацимæ.
