Донецкы Адæмон Республикæйæ сывæллæттæй зæрдиагæй зонгæ кæнынц ирон адæмы культурæ æмæ традицитимæ
Уыналы Цæллагты мыггаджы мæсгуыты комплексы арæзт æрцыд социалон проект «Культурон-бæстæзонæн туризм «Алайнаг къахвæндæгты» дыккаг сезон. Проект уæлахиздзау сси конкурс «Экосистемæ»-йы. Арæзт уыд Камчаткæйы. Донецкы Адæмон Республикæйæ сывæллæттæй ныртæккæ санаторитæ «Тæмискъ», «Юность» æмæ «Осетия»-йы чи ис, уыдон зæрдиагæй зонгæ кæнынц ирон адæмы культурæ æмæ традицитимæ. 100 лæппу æмæ чызгæй фылдæр архайдтой Цæгат Ирыстоны рæсугъддæр бынæттæм экскурситы. Проекты архайджытæ бабæрæг кодтой Зæдæлески Нанайы хæдзар-музей, Дæргъæвсы рагон архитектурон-этнографион комплекс, Мидæгрæбинаг æхсæрдзæнтæ. Уымæй дарддæр архайдтой дунейы цæрæг алы адæмы хæттыты спортивон хъæзтыты, ирон кæрдзынтæ кæныны дæсныйадæвдисæг ахуырты, хуызистыты равдысты. Стæй ма атезгъо кодтой бæхыл бадгæйæ дæр.
