Горæты фыццæгæм библиотекæйы сымбырд сты сфæлдыстадон фæсивæды минæвæрттæ, æмæ Джыккайты Шамил разамынд æппæты фыццаг цы курсæн лæвæрдта, уый студенттæ
Дзæуджыхъæуы арæзт æрцыд Цæгат Ирыстоны адæмон поэт, Хетæгкаты Къостайы номыл премийы лауреат Джыккайты Шамилы мысæн изæр. Ахуыргонд-филолог, драматург æмæ æхсæнадон архайæг, ирон дзырды дæсны. Фембæлды архайджытæ куыд загътой, афтæмæй фыста зæрдæйæ. Горæты фыццæгæм библиотекæйы сымбырд сты сфæлдыстадон фæсивæды минæвæрттæ, æмæ Джыккайты Шамил разамынд æппæты фыццаг цы курсæн лæвæрдта, уый студенттæ. 6 поэтикон æмбырдгондтæй æмдзæвгæтæ, пьесæтæ, аивадон тæлмацтæ кастысты республикæйы фысджыты цæдисы уæнгтæ. Мадзалы архайджытæ радзырдтой, Джыккайты Шамилимæ баст мысинæгтæ. Уый уыдис алывæрсыг адæймаг, æмæ кæддæриддæр уыд рæстаг се ппæтимæ дæр, фыццаджыдæр, та йæхиимæ, – загътой йæ хъомылгæнинæгтæ.
