02 ноября 2023, 12:43
Республикæйы фæсивæдон библиотекæйы та мысыдысты Уæрæсейы сгуыхт артист Суанты Кимы
Йæ хъæлæс уыд ирон эстрадæйы символ
Республикæйы фæсивæдон библиотекæйы та мысыдысты Уæрæсейы сгуыхт артист, Цæгат Ирыстоны адæмон артист Суанты Кимы. Йæ хъæлæс уыд ирон эстрадæйы символ. Артисты репертуары уыд дæсгай советон æмæ фæсарæйнаг зарджытæ. Суанты Кимæн æмдзæгъд кодтой аивадуарзджытæ Советон Цæдисы алы горæтты æмæ фæсарæнты. Курдиатджын вокалист йе сфæлдыстад рахаста Германийы, Австрийы, Италийы, Болгарийы, Норвегийы, Мозамбикы хуыздæр сценæтæм. Абон дæр у се ппæтæн уарзон артист. Йæ мысæн изæрмæ æрбацыдысты зындгонд зарæггæнджытæ, культурæйы къабазы минæвæрттæ, æхсæнадон архайджытæ. Мадзал баст уыд, Суанты Кимы номыл паддзахадон национ эстрадон оркестрыл 30 азы кæй сæххæст, уыимæ.
темæмæ гæсгæ
