Мадзал баст уыд, поэт, прозаик, драматург, тæлмацгæнæджы райгуырдыл 110 азы кæй сæххæст, уыимæ
Плиты Грисы мысæн изæр арæзт æрцыд горæты центрон библиотекæйы. Мадзал баст уыд, поэт, прозаик, драматург, тæлмацгæнæджы райгуырдыл 110 азы кæй сæххæст, уыимæ. Ирон литературæйы æмæ ирон аивады ныууагъта стыр фæд. Плиты Грис уыд Фыдыбæстæйы Стыр хæсты архайæг. Уымæ гæсгæ хæсты темæ йе сфæлдыстады ахста сæрмагонд бынат. Хицæн ныхасы аккаг сты, Шекспиры уацмыстæй ирон æвзагмæ кæй ратæлмац кодта, уыдон. Плиты Грисы ном æрхъуыды кæнынмæ æрæмбырд сты сфæлдыстадон интеллигенцийы минæвæрттæ, æхсæнадон архайджытæ, студенттæ æмæ скъоладзаутæ. Мадзалы архайдтой уазджытæ Хуссар Ирыстонæй дæр. Ирон театры актертæ равдыстой Плиты Грисы трагеди «Чермен»-мæ гæсгæ æвæрд спектаклæй скъуыддзаг, скъоладзаутæ йын бакастысты йе *мдзæвгæтæ. Мысæн изæры архайджытæ куыд загътой, афтæмæй ахæм мадзæлттæн стыр ахадындзинад ис, цæмæй Ирыстоны номдзыд адæм рохуаты ма баззайой, уый тыххæй.
