Йе сфæлдыстадон ном у Баришполь
Мæздæджы районы культурæйы Галуаны арæзт æрцыд къамисæг æмæ нывгæнæг Елена Филатовайы куыстыты равдыст. Йе сфæлдыстадон ном у Баришполь. Йæ фыццаг равдыстмæ Еленæ бахаста 30 куыстæй фылдæр. Равдыст та схуыдта «Здесь сдержанность и тонкие мотивы». Авторæн ахсджиаг уыд иу цау. Бæлвырддæр та йæ фыццаг равдыст йæ райгуырæн горæт Мæздæджы 260 азы юбилейимæ кæй баиу, уый. Къамисæг оригиналон стилы æвдисы йæ уарзон горæты рæсугъддæр бынæттæ. Алы композици дæр дзурæг у райгуырæн бæстæмæ уарзондзинадыл. Уымæй дарддæр ма ирдæй раргом кæны авторы миддуне æмæ уды хъарм. Фотопроекты мидисыл Еленæ хъуыды кодта цалдæр азы. Йæ хуызистыты Мæздæджы уынгты, скверты æмæ паркты цымыдисаг панорамæтæ. Вернисажы уазджытæ куыд бафиппайдтой, афтæмæй сæ уарзон горæтмæ бакастысты ног цæстæнгасæй.
