08 ноября 2023, 13:35
Цæгат Ирыстоны абон мысынц радио æмæ телеуынады диктор Мамсыраты Тасолтаны
Йæ цардæй ахицæн дыууæ азы размæ
Цæгат Ирыстоны абон мысынц радио æмæ телеуынады диктор, Ирыстоны адæмон артист, паддзахадон телерадиокомпани Аланийы преми «Сызгъæрин микрофоны» фыццаг лауреат Мамсыраты Тасолтаны. Йæ цардæй ахицæн дыууæ азы размæ. Дикторы хуызы Мамсыраты Тасолтан йæхи фыццаг хатт бафæлвæрдта 1962-æм азы, уæдæй фæстæмæ йæ цард æнгом сбаста радио æмæ телеуынадимæ. Амыдта куыд лирикон, афтæ политикон равдыстытæ æмæ радиобакастытæ. Тасолтаны бирæвæрсыг курдиаты стыр бынат ахста музыкæ. Уæлдай аив æмæ зæрдæмæдзæугæ та уыдысты Тасолтаны лирикон зарджытæ.
темæмæ гæсгæ
