Амыдта йæ Уæрæсейы вице-премьер Александр Новак
Хицауады Сæрдар Дзанайты Барис видеоконференцийы хуызы архайдта газуадзыны фарстаты фæдыл федералон штабы 30-æм æмбырды. Амыдта йæ Уæрæсейы вице-премьер Александр Новак. Мадзал арæзт æрцыд форум «Россия»-йы программæ æххæст кæнгæйæ. Æмбырды архайджытæ бæстон æрдзырдтой ацы азы 10 мæйы куысты хатдзæгтыл. Стыр æргом аздæхтой – хи хæдзæрттæм, ахуырадон æмæ медицинон объекттæм газ уадзыны фарстатæм. Уыимæ ма æрлæууыдысты социалон æххуысы регионалон мадзæлттыл. Ивгъуыд азы социалон газификацийы программæ сси, æмгъуыд кæмæн нæй, ахæм. Уыимæ йæ царды уадзын райдыдтой тагъддæр. Зæгъæм, абоны онг газ бауадзыны тыххæй райстой 1 милуан æмæ 87 мин курдиаты. Скодтой милуан æмæ 37 мин бадзырды. Уый та у 95% онг. Уый хорз бæрæггæнæныл нымад у. Программæ уæрæх кæнгæйæ ма райстой ноджыдæр 500 курдиаты. 150 скъоламæ æмæ рынчындонмæ ныридæгæн æрдзон артаг бауагътой. Зæгъын ма хъæуы уый дæр, æмæ фаронæй фæстæмæ льготæты категоримæ чи хауы, ахæм 52 мин адæймаджы балæвæрдтой курдиæттæ компенсаци райсынæн. Уый та 100 мин сомæй къаддæр нæу. Фыццæгæм ноябры онг социалон æххуыс райстой Уæрæсейы 25 мин адæймаджы. Уый та у 2 миллиард сомæй фылдæр. Цæгат Ирыстон нымад у, нæ бæстæйы хуыздæр æнтыстдзинæдтæ чи вдисы, газ уадзыны хъуыддаджы, ахæм субъекттæй иу. Программæ уадзын куы райдыдтой, уæдæй фæстæмæ газ фæзынд 1150 хæдзары.
Уæлдай æргом здахынц, льготæтæ кæмæ ис, уыцы категоритæм. Сергей Меняйлойы амындмæ гæсгæ, уыцы куыст хъæуы дарддæр кæнын, – загъта Дзанайты Барис.
