14 ноября 2023, 13:10
Республикон конкурсы «Ирыстон мæ зæрдæйы» уæлахиздзауты схорзæхджын кодтой Дзæуджыхъæуы
Архайдтой дзы мин скъоладзауæй фылдæр республикæйы æппæт районтæй
«Ирыстон мæ зæрдæйы». 6-æм республикон конкурсы уæлахиздзауты схорзæхджын кодтой Дзæуджыхъæуы. Архайдтой дзы мин скъоладзауæй фылдæр республикæйы æппæт районтæй. Уæлахиздзауты сбæрæг кодтой цалдæр номинацийы. Хъуамæ бацæттæ кодтаиккой эссе кæнæ та сæхæдæг цы æмдзæвгæ ныффыстой, уый ирон кæнæ уырыссаг æвзæгтыл. Сæрмагонд приз нысангонд æрцыд кæстæр кълæсты ахуырдзауты *хсæн «Ныв»-ы номинацийы. Конкурс арæзт вæййы Паддзахадон Думæйы депутат Мæхъиты Зурабы хæрзаудæн фонды хъæппæрисæй. Йæ нысан у мадæлон æвзагæн æххуыс. Се ппæт уæлахиздзаутæн дæр радтой призтæ æмæ кады гæххæттытæ. Схорзæхджын кодтой, скъоладзауты конкурсмæ чи бацæттæ кодта, уыцы ахуыргæнджыты дæр.
темæмæ гæсгæ
