филиал вгтрк государственная телерадиовещательная компания “Алания”

«Хъæды терапия алкæмæндæр». Сæрмагонд æфсæддон операцийы демобилизацигонд архайджытæй цæфтæ чи райста, уыдонæн сæ бон уыд сыгъдæг уæлдæфы сæ рæстæг арвитын. Ахæм чысыл балц æнцонвадат сси сæрмагонд тезгъогæнæн къæлæтджынты æмæ Цæгат Кавказы суворовон училищæйы хъомылгæнинæгты фæрцы. Æвзонг волонтертæ фæлладуадзæн фæзы цыдысты ветерантимæ, кæрæдзийæн дзырдтой сæ царды историтæ. Ахæм акцитæн ахсджиаг нысаниуæг ис. Хæстон цауты ветерантæ исынц рæзгæ фæлтæры аудындзинад, Фыдыбæстæйы чысыл хъахъхъæнджытæн та ис, хъæбатыртимæ комкоммæ аныхас кæныны фадат.