Мадзалы архайдта, Цæгат Ирыстоны ацы адджын гуылтæ чи цæттæ кæны, ахæм 8 дæсныйæ командæ
Дзæуджыхъæуы национ музейы уыд пряникты æппæтуæрæсеон марафоны регионалон хай. Мадзалы архайдта, Цæгат Ирыстоны ацы адджын гуылтæ чи цæттæ кæны, ахæм 8 дæсныйæ командæ. Марафоны хæслæвæрдмæ гæсгæ, архайджыты хъуыд хи горæты бæлвырд бынат скæнын пряниктæй. Республикæйы командæ та скодта 4 объекты – Ирон æмæ Сомихаг, стæй Сыгъдæг Георгий Уæлахизхæссæджы аргъуантæ æмæ Сунниттаг мæзджыт. Цæгат Ирыстоны базарадон-экономикон колледжы студент Альберт Данильянц хæдзары пряниктæй сцæттæ кодта Дзæуджыхъæуы картæ, чызджытæ та йыл сæмбырд кодтой объекттæ. Марафон арæзт æрцыд культурон хъæппæристы президентон фонды æххуысæй. Мадзал уыд Уæрæсейы 6 горæты. Архайдтой дзы къæйттæй. Афтæ Дзæуджыхъæу видеобастдзинады фæрцы йæ арæхстдзинад æвдыста Мурманскимæ иумæ.
