филиал вгтрк государственная телерадиовещательная компания “Алания”

Патриотон акци «За наших. За мир. За Россию» æххæст кæнгæйæ, Мæздæджы ныссагътой сусхъæды аллейæ. Хæрзаудæн мадзал арæзт æрцыд Мæздæджы районы прокурор Евгений Гусаровы хъæппæрисæй. Уæлахизы Парчы æрæмбырд сты скъола-интернаты æвзонг æфсæддонтæ, Адæмон фронты регионалон штабы уæнгтæ, салдæтты мадæлты Комитеты минæвæрттæ, прокуратурæйы æмæ слестгæнæн комитеты кусджытæ, бынæттон администрацийы специалисттæ, фæсивæдон парламенты активисттæ. Ацы терроритори амæй фæстæмæ уыдзæн прокуратурæйы бæрны. Æвзонг æфсæддонтæ та фидарæй зæрдæ бавæрдтой, хæстæгдæр рæстæг скверы зиу саразынæй. Акци арæзт уыд, сæрмагонд æфсæддон операцийы архайджыты фарс рахæцыны нысанимæ.