07 декабря 2023, 11:19
«Движение первых»-ы активисттæй ахуыры иттæг хорз æнтыстдзинæдтæ кæмæн ис, уыдон райстой сæ фыццаг паспорттæ
Уæрæсейы Федерацийы æвзонг цæрджытæн сæ радта республикæйы парламенты сæрдар Тускъаты Таймураз
Чысыл къахдзæф стыр фидæнмæ. «Движение первых»-ы активисттæй ахуыры иттæг хорз æнтыстдзинæдтæ кæмæн ис, уыдон райстой сæ фыццаг паспорттæ. Уæрæсейы Федерацийы æвзонг цæрджытæн сæ радта республикæйы парламенты сæрдар Тускъаты Таймураз. Рæзгæ фæлтæрæн раарфæ кодта сæ царды ахæм ахсджиаг цауы фæдыл. Загъта, кæй хъæуы Фыдыбæстæ уарзын, зæрдæхæлар æмæ рæстдзæвин уæвын. Мадзал сбастой Конституцийы бонимæ. Уый уыдзæн 12-æм декабры. Паспорттæ чызджытæ æмæ лæппутæ райстой «Движение первых»-ы федералон проект «Мы – граждане России» æххæстгæнгæйæ.
темæмæ гæсгæ
