Ног хæрзиуæг Ахуыргæнæджы азы фидаргонд æрцыд Хетæгкаты Къостайы номыл национ-культурон наукон центры æмæ «Иры Стыр Ныхас»-ы сылгоймæгты комитеты иумæйаг æмбырды
Дзæуджыхъæуы схорзæхджын кодтой Орден «Хетæгкаты Къоста»-йы фыццаг кавалерты. Номинаци «Æвзаджы» хæрзиуæг райста профессор, Хуссар Ирыстоны паддзахадон университеты ирон æвзаг æмæ литературæйы кафедрæйы кусæг Битарты Зойæ. Номинаци «Культурæ»-йы – Уæрæсейы Федерацийы адæмон артист Бæцæзаты Юрий. Номинаци «Литературæ»-йы та – газет «Рæстдзинад»-ы коллектив. Уæлæмхасæн уынаффæмæ гæсгæ ма ацы номинацийы орден радтой профессор, Хуссар Ирыстоны æхсæнадон архайæг æмæ фыссæг Хъазиты Мелитонæн. Уæ зæрдыл уын лæууын кæнæм, ног хæрзиуæг Ахуыргæнæджы азы фидаргонд æрцыд Хетæгкаты Къостайы номыл национ-культурон наукон центры æмæ «Иры Стыр Ныхас»-ы сылгоймæгты комитеты иумæйаг æмбырды. Ирон æвзаг æмæ литературæ бахъахъхъæныны хъуыддаджы æнтыстдзинæдты тыххæй Орден снысан кæныны хъæппæрис разынд æхсæнадон змæлды Мæздæджы районы хайады сæрдар Гуцаты Фридонмæ. Уый йæхимæ райста хæрзиуæг сцæттæ кæныны хæрдзтæ дæр.
