Регионы разамонæг сын ракодта тæфæрфæс, æмæ сын радта паддзахадон хæрзиуджытæ
Цæгат Ирыстоны Сæргълæууæг Сергей Меняйло фембæлд, сæрмагонд æфсæддон операцийы зонæйы, йе фсæддон хæс æххæстгæнгæйæ чи фæмард, уыдоны бинонтимæ. Регионы разамонæг сын ракодта тæфæрфæс, æмæ сын радта паддзахадон хæрзиуджытæ. Хъыгагæн, уыцы кады аккаг, хæстонтæ систы сæ амæлæты фæстæ. Афтæ, Уæрæсейы Федерацийы президенты Указмæ гæсгæ сæрмагонд æфсæддон операцийы рæстæг лæгдзинад, ныфс æмæ хъæбатырдзинад чи равдыста, уыцы хæстонтæ сæ амæлæты фæстæ хорзæхджынгонд æрцыдысты Лæгдзинады Орденæй. Номарæн мадзалы архайдтой республикæйы Цæгат Ирыстоны фæллойы æмæ социалон рæзты министр Айдарты Алинæ, æфсæддон комиссар Владимир Скоморох, стæй сæрмагонд æфсæддон операцийы архайджытæн æххуысы паддзахадон Фонд «Фыдыбæстæйы хъахъхъæнджыты» республикон филиалы директор Хетæгкаты Маринæ.
