Фæлладуадзæн бынат, куыд фæзæгъынц, йæ хуыз скалдта
Сапицкийы фæлладуадзæн бынаты парчы зонæйы байгом кодтой Чекистты Аллейæ. Фæлладуадзæн бынат, куыд фæзæгъынц, йæ хуыз скалдта. Фæз ныссыгъдæг кодтой, ныссагътой дзы бæлæстæ æмæ алыхуызон къутæртæ, къахвæндæгтæ дзы скодтой лыстæггонд доломитæй. Ацы аллейæ горæтæн балæвар кодта æдасдзинады федералон службæйы цæгатирыстойнаг хайад. Территорийы æвæрд æрцыди службæйы эмблемæимæ обелиск. Кадджын мадзалы архайдтой Сергей Меняйло, республикæйы раздæры сæргълæууæг Битарты Вячеслав, Дзæуджыхъæуы администрацийы сæргълæууæг Милдзыхты Вячеслав. Мадзал ма бабæрæг кодтой æнæнхъæлæджы цауты министрады æмæ Уæрæсейы гвардийы республикон управленийы разамынд дæр. Мадзал саразджытæ зæрдæ дарынц, ацы фæлладуадзæн бынат горæты цæрджыты уарзондæр бынæттæй иу кæй суыдзæн, ууыл.
