Республикæйы 9 хатты æрцыди алæмæты диссаг
Ног азы хсæв Цæгат Ирыстоны райгуырди 6 лæппуйы æмæ 3 чызджы. Республикæйы 9 хатты æрцыди алæмæты диссаг. Фыццæгæм январы 1-аг минутыл дунейы рухс федта лæппу, схуыдтой йæ Батрадз. Амондджын ныййарæджы æнкъарæнтæн æвдисæн уыди не сфæлдысадон къорд дæр.
Царды æппæтæй сæйрагдæр у мæнæ ацы зынаргъ лæвар. Хуыцау æй ног азы хсæв кæй ратдзæн, ууыл Хъуппеты Аланæ хъуыды дæр нæ кодта. Дохтыртæ куыд дзырдтой, афтæмæй ноггуырд дунейы рухсмæ хъуамæ фæзындаид 2-æм январы. Фæлæ райгуырд гыццыл раздæр, 1-æм январы фыццаг минутыл. Йæ уæз – 3 килограммы æмæ 6 сæдæ æвдай граммы, йæ дæргъ та 51 сантиметры, ноггуырды схуыдтой Батраз.
Аланæ йæ бинонтимæ цæры Дзæуджыхъæуæй дард, Якутийы, фæлæ йæ сывæллæттæ иууылдæр райгуырдысты ам, йæ уарзон Ирыстоны. Чызг куыд зæгъы, афтæмæй йын ам йæ зæрдæйæн вæййы æнцондæр. Ацы сывæллон ын у 4-æм, æмæ та ногæй лæппу. Кæй зæгъын æй хъæуы, Аланæ мæт кодта, фæлæ, йæ сабийы йæ къухмæ куы райста, уæд дзы æппæт дæр ферох сты.
Ног азы хсæв Цæгат Ирыстоны райгуырди 6 лæппуыйы æмæ æртæ чызджы. Республикæйы 9 хатты æрцыди алæмæты дисаг. Ноггуырды фæзындмæ æрмæст ныййарджытæ нæ фенхъæлмæ кæсынц, фæлæ дохтыртæ дæр.
9 сыæллоны дæр æмæ сæ ныййарджытæ дæр сæхи æнкъарынц тынг хорз. Æнхъæлмæ кæсынц сæхимæ кæд ацæудзысты, уымæ. Разæй сæм æнхъæлмæ кæсы бирæ бæрæгбæттæ, фæлæ ацы ног аз бахъуыды кæндзысты куыд æппæтæй сæйрагдæр.
