Баластой сын адджинæгтæ, æмæ сын сæ зæрдæ загъта фыццаджыдæр æнæниздзинад, стæй бирæ азты уæнгрог æмæ хъæлдзæг цард
Зæрдæйы хъарм æмæ æххуысимæ. Батальон «Алани»-йы æфсæддонтæ Ног азы бæрæгбоны арфæтæ ракодтой ацæргæ æмæ инвалид адæмы хæдзар-интернат «Узæлды» цæрджытæн. Баластой сын адджинæгтæ, æмæ сын сæ зæрдæ загъта фыццаджыдæр æнæниздзинад, стæй бирæ азты уæнгрог æмæ хъæлдзæг цард. Хистрæтæ дæр сæ уазджыты æнæ рæвдыдæй нæ рауагътой. Загътой сын бузныджы ныхæстæ, се фсæддон хæс кæй æххæст кæнынц, æмæ нæ Фыдыбæстæйы сæраппонд кæй тох кæнынц, уый тыххæй. Кæддæриддæр сæ зæрдæ фехсайы нæ хъæбатыр лæппутыл. Стæй сæхæдæг дæр архайынц, сæ бон цæмæй у, уымæй фронтæн æххуыс кæныныл. Ног азы бæрæгбоны арфæтæ æфсæддонтæ ракодтой Кънататы Замирæйæн. Сылгоймаг сæрмагонд æфсæддон операцийы зонæмæ гуманитрон æххуыс иу æмæ дыууæ хатты нæ арвыста. Нæ хæстонтæн зæрдиагæй лæвра кæны йæ уды хъарм, ныфс æмæ аудындзинад.
