филиал вгтрк государственная телерадиовещательная компания “Алания”

Медицинон службæйы лейтенант Мария Мирошниченко бабæрæг кодта йæ уарзон уæлдæр ахуыргæнæндон – Цæгат Ирыстоны паддзахадон медицинон академи. Офицер сæмбæлд студенттимæ. Мария Мирошниченко у Æрыдонæй рацæугæ. Хорзæхджынгонд у «Хъæбатырдзинады тыххæй» майданæй. Хæрзиуæг ын саккаг кодтой, сæрмагонд æфсæддон операцийы цалдæр цæф салдаты тохы быдырæй кæй рахаста, уый тыххæй. Æрæджы Мария Мирошниченко сси Уæрæсейы президент Владимир Путины æууæнчы минæвар. Студенттæн медик радзырдта, ацы зын рæстæг куыд ахсджиаг у æцæг патриот уæвын, уый. Мария Мирошниченко загъта, æрмæстдæр адæмы æнгомдзинады æмæ иудзинады фæрцы кæй бантысдзæн Уæрæсейæн знæгты ныхмæ фæлæууын.