2 мин адæймагмæ хæстæг исынц лæвар социалон ххуыс, уый, куыд хæдзары, афтæ стационарон хуызы дæр
Цæгат Ирыстон сæрмагонд æфсæддон операцийы ветерантæн æмæ сæ бинонтæн куыд æххуыс кæны, ууыл ныхас цыди, Сергей Меняйло цы æмбырд сарæзта, уым. Республикæйы æнтыстджынæй кусы паддзахадон фонд » Фыдыбæстæ хъахъхъæнджыты» филиал. Йæ бындурыл, иу ранмæ бацæугæйæ, адæм исынц хæрзхъæд лæггæдтæ. Ам стыр æргом здæхт цæуы сæрмагонд æфсæддон операцийы чи фæмарди, уыдоны бинонтæм. Алкæмæн дæр дзы скæнынц социалон паспорттæ. 2 мин адæймагмæ хæстæг исынц лæвар социалон ххуыс, уый, куыд хæдзары, афтæ стационарон хуызы дæр. Ветеранты сывæллæттæй 640-æн баххуыс кодтой сæ фæллад суадзынæн, кæнæ та се нæниздзинад фæхуыздæр кæнынæн. 24 бинонтæн баххуыс кодтой социалон контрактты фæрцы. Се ппæт мобилизацигонд адæмæн, 58-æм æфсады æфсæддонтæн, хъахъхъæнынады министрадимæ контракт чи бафыста, уыдонæн, стæй йе фсæддон хæс æххæст кæнгæйæ чи фæмарди, уыдоны бинонтæн дæттынц уыцы иу хатт фиддонтæ. Снывыл кодтой медицинон лæггæдты æмæ хостæй ифтонг кæныны системæ дæр, уæдæ къуылымпыдзинæдтæ нæй уыцы категорийы адæмæн куыст ссарыны æмæ психологон æххуыс райсыны хъуыддаджы дæр. Сæрмагонд æфсæддон операцийы архайджыты бинонты суæгъд кодтой сывæллæтты рæвдауæндæтты фиддонтæй дæр. Сæ сывæллæтты та сын скъолатæм æмæ рæвдауæндæттæм исынц æнæ рады лæугæйæ, скъолаты сын ис дыууæ хатты лæвар хæрыны фадат дæр.
