Нæлгоймагæн бирæ азты дæргъы йе *нæниздзинад цудыд у
Заманхъулы цæрæг Таутиаты Таймураз сæрмагонд æфсæддон операцийы архайджытæн быйы къуымбил цъындатæ. Нæлгоймагæн бирæ азты дæргъы йе *нæниздзинад цудыд у. Раздæры хæстон службæ кодта, сæрмагонд æфсæддон операци кæм цæуы, уым. Хорз зоны, уыцы бынæтты куыд уазал вæййы, уый, уымæ гæсгæ йæ бафæндыд цавæрдæр æххуыс бакæнын. Фæнд кæны сцæттæ кæнын къуымбил цъындаты 30 комлекты. Бæлвырддæр радзурдзæн Хъайтмазты Дзерассæ.
Фæлмæн, хъарм цъындатæ Цæгат Ирыстонæй хæстонтæн Таутиаты Таймураз быйы 2-аг аз. Цъындаты æмæ уæрагылдарæнты 30 комплекты тавынц æфсæддонты фронты. Нæлгоймаг кæддæр йæхæдæг дæр, сæрмагонд æфсæддон операци кæм цæуы, уым службæ кодта. Хорз зоны, уыцы бынæтты куыд уазал вæййы, уый, уымæ гæсгæ йæ бафæндыд цавæрдæр æххуыс бакæнын. Таймуразæн бирæ азты йе нæниздзинад цудыд у, фæлæ йæ ныфс нæ асаст. Ахадгæйæ архайы йæ хъæуы царды, суанг ма хæхтæм абалц кæны минералон донмæ.
Хæстонты зæрдæтæ хъарм кæндзысты, сывæллæттæ сын цы фыстæджытæ бацæттæ кодтой, уыдон дæр. Сæвæрдзысты сæ æрвитæггæгтимæ. Бынæттон цæрджыты хъарутæй æфсæддонтæн гуманиратон æххуыс фыццаг хатт нæ сæмбырд кодтой. Ацы хатт æй арвыстой акци «Салдатæн æрвыстæг»-мæ гæсгæ. Техникæ, дзаумæттæ, хойрæгтæ, хæссæнтæ – адæм æххуыс кæнынц, кæмæн йæ къух куыд амоны, афтæ. Афтæмæй иумæйаг тыхтæй хæстæг кæнынц уæлахиз.
Уыцы зæрдæхæлардзинад Таутиаты Таймураз парахат кæны йæ алыварс адæмыл дæр. Ацы хъуыддаджы йæ фарсмæ бирæтæ æрбалæууыдысты. Нæлгоймагæн æххуыс кæнынц йе фсымæртæ, мыггаджы минæвæрттæ, сыхæгтæ.
